saly1213

منوعات
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 على وجهي الاصفر ، خريفٍ طاااال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الله الصمدالله الصمد
Admin
avatar

عدد المساهمات : 660
تاريخ التسجيل : 28/11/2016

مُساهمةموضوع: على وجهي الاصفر ، خريفٍ طاااال   الجمعة ديسمبر 09, 2016 3:06 am





يا أصدق الأحباب :
فضحتني ، ما كنّ لي قلب !
ومشاويرك سراب . .
دوّرت لك بين الضلوع ضلوع
- لكن ما لقيت !
أضويت لك أهداب عيني . . ورحت : (
لكنّك بقيت . .
تاخذ من أنفاسي " سوالف رعشتي " . .
وتزرعني للذكرى صور
و تنبت لك غصوني عتاب !

فاتت
وأنا ما فاتني إلاّ الوجع !
والليل ما شكّل مطارحنا أبد
والهاجس اللي راح مع روحتك
- ما طلّ ورجع -
فلّ الجناح وطااار ، طار
طار وخذا معه : المدى
وأشياء ما تحصى ، كثااار
وأنا يديني أطول من العُمر
و ’ أكمامي قصار !

- شفني أنادي للسما
وأتشكّل لصوتك سحاب !
شفني إلين الحين أفتح للقا مليون باب
وما أجيك !
وأكذب عليك إن قلت لك
ما أوقّف الساعه أحتريك !
لكن تعبت
وهاك قلبي إبيّضت أطرافه وشاب ..!





الموت أبطى.. أمانه شوف لي صرفه !
من منّنا !؟ - منّنا
. . . يقدر يخلصنا !!؟









جيتها ماشوفها ، من دمع عيني !
أشتكي دنيا قست - مايوم لانت !
قلت مدري وش أبي
لكن عطيني !
وامسحت دمعي وقالت :
أص هانـت !






يا حزنها !
رتّل معي تنهيدتي لاجف ّ فوقي مزنها !






و اغفري للشاعر المنفي حنينه ..
لا ارتعش وحده ورى حزنه .. ونام !
من رحلتي هذا هو - الله يعينه !
يشتكي بـ دموع عينه ’ للحمام !
مالمحتي " آهته " وانتي ..حزينه
ماقريتي داخل عيونه ، كلااام !





لاتروحي !
باقي .. ماجفّت جروحي !
لسه باقي بي .. تعب
لسه باقي بي .. ألم
- اي نعم !
ذي عيوني .. بس دخيلك !
وش تشوفي ..؟
مالمحتي فيها خوفي ؟







أذكر إني قلت مره :
. . . لاتخافي ،
والله إني لجل عينك
لـ امشي فوق الجمر - حافي !
ياأمل طيّب ، ووافي ..
بسّ لو تدرين :
وشـّ سوى الحنين .. والأنين ,
وهمّ وسط الروح ’ غافي !





كانت القمرا هِنا .. وأنتي هِنا
و كانت الدمعة تجي .. كل ماتجين !
مو سؤال إن قلت حنّا ، أيّنا !
وايّنا حنّا !؟
وحنّا ... من حنين !





تشبهين ..!
صبح " عصفوره حزين " !
صبح يشبه في عيون الراحلين : الراحلين !
صبح يشبه . . وجه أمي ،
كف أمي ،
والحنين ..!









يا أول من يمر الدمع بـ أهدابي !!
ياآخر من زرع "تنهيدة " .. آلامه !
تعال: ارسم ملامح ضحكه لـ نابي
وخذني لـ صبح :
ضاعت جرة اقدامه !





ماسألتي ليه اموت الفين مره .. لاطريتك !
وليه احس القلب يطلع !
بسّ .. لامنّي بكيتك !؟
وليه أنا :
أفنيت عمري .. فدوة لعيونك !
وجيتك !
ماسألتي .. ليه يعني !
وكل طاري هم ْ من بعدك تبعني . !
يمكن إن قلبك .. نساني ..!
أو يمكن ... ماسمعني !
إييييييه والخالق .. " أحبك</B> " ..!





وين أودي وجه صبري ..
لابكى فيني ، حنانه !
وكيف اسليه بـ غيابك ؟
وأنا احس إنه بصدري
. . . مل ّ حتى من مكانه !
يالله عاد !
انفضي غبار الرحيل ..
وأطعني " صدر البعاد " !
ياهو لاعبّي الحنين ،
هه ! شوفيني حزين : (







ألبسي ثوب الفراق وروحي غيبي ..!
واتركيني عند طيفك لاندهني .." ياحبيبي " !
ولا تجين ..!
قولي مات ..!
قولي عايش بالحياة .. بلا حياة !
قولي جاني في صباح وصار " عصفوري " الحزين !

وطار عصفوري الحزين !!





كان لي في قلبك السالي : مساحة !
جيب لي " راحة " !






هاتي يدينك مابقى لي مواني ..
فيني من اللي راح ، مايخجل الجاي !
ودي معاك ارجع . .
و نرجع ثواني !
لـ جروح طابت ، للتناهيد ، لـ غناي !




_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://salysanaaa.ahlamontada.com
 
على وجهي الاصفر ، خريفٍ طاااال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
saly1213 :: خواطر قصايد منقوله-
انتقل الى: